FF naor Steef

[Graf von L.]

FF noar Steef, 1959



Aankomend weekend: Het Grote Vader Abraham Scheidsrechtersfeest. Dan geet d'ran! Onietah!

[Mbongo]

Wat is dat voor zaal dan?

[Graf von L.]

Ff noar Steef, in Hummelo.

[de scheids]

zaal .......in het cafe bedoel je zeker

[Graf von L.]

FF noar Steef, 1953.


Roempoem! Roempoem! Roepetoepetoepetoemtoem!

[de scheids]

mooie foto

[Graf von L.]

Us eskus denk'n..

Disse wekke is ut zo wied
Dan wudt de scheids vieftig joar
Ach wat vlug de tied
zo lig i'j in de wieg, zo bu'j honderd joar

[Graf von L.]

Oniethah?

[Graf von L.]

Zo, daor nemme wi'j dur vas een op.

[Graf von L.]

Eigenlijk is h'j boer en meteoroloog
Dat wil zegg'n: hi'j ri'jdt graag op un trekker
en veurspelt ut liefst akelig kold weer
'De Russische beer kump duran'
zeg hi'j dan elk joar; ok dit joar weer een winter met horror,
Siberie kump hier met meters snee en natuurluk een barre Elfstedentocht,
sterker nog: un ni'je iestied kump duran,
zo zeg hi'j dan

[de scheids]

nog sterker we zitten in een kleine ijstijd

[Graf von L.]

Winner was dertig joar zien sigarettenmerk,
of nou ja, dat haalde hi'j dan uut de sjektoet.
Een echte SP-er kan natuurlijk gin filtersigaretten rook'n
dat heurt meer thuus bi'j ut establishment

Zo stond hi'j een eeuwigheid langs de lijn van de Velswiekdome
met gemudeluk zo'n links sigaretjen in de bek
Hi'j zol dur joarenlang op toezien dat de vrede in ut veld werd uhandhaafd
Een scheidsrechterspak an, zebrakousen, zweedse klumpe
en een fluitje dat tur wat bi'j hing.

Zien wapen brekt now pas deur in hogere kringen:
de roze kaart.

[de scheids]

niet slecht dat achterhoeks

[Graf von L.]

Hi'j woont now op ut huus van Olde Beernd
Doar is hi'j un hele hoogn...
Hi'j zit nameluk in de directie van Camping De Toevrught

Moar dat wil niet zegg'n dat hi'j heeltied op kantoor zit:
elk veurjoar pakt h'j de knetterbiel op
en zaagt dan alle beume die iets te lang bunt
zo maor zonder kop.

[de scheids]

toch maar dichter van het achterhoeks worden graf

[Mbongo]

Lekker, graf!

[Graf von L.]

In de liefde hef hi'j te lang uutgekekke'n noar de verkeerde kleur
Eerst had hi'j un blondjen uut Reurle
Toen had hi'j dur een uut de stad, uut Durkum,
Ach zovol blonde vrouluu hef hi'j al an ut handjen ehad..

Maor uuteindeluk hef hi'j zien dreej gevond'n
Sinds joar en dag hef hi'j un brunette, un hups ding
Doch ok z'j is niet van hier.....
Ze kump van aover de bekke
In Hummel hef hi'j zich een krente uut
de pap evist.

[de scheids]

ga door

[Graf von L.]

Rojen Roel


Al jaor'n stemt hi'j zo rood as maor kan: SP
Want as ut effen kan dan mot de hoge heer'n
ut goed vuulen: Roel kump op veur de gewone man!
In de Velswiek zegs ze ok wellus:
doar geet den rojen van De Vrught weer hen,
ze zegt dat hi'j communist is ofzo, of dat hi'j goeie
connecties hef in Oss, Doesburg en Boxmeer
Doar geet den rojen van De Vrught weer hen,
zie um jagen in zien kleine roje bestelbus
zie um jagen, tis un waore revolutionair

[de scheids]

Rojen Roel


Al jaor'n stemt hi'j zo rood as maor kan: SP
Want as ut effen kan dan mot de hoge heer'n
ut goed vuulen: Roel kump op veur de gewone man!
In de Velswiek zegs ze ok wellus:
doar geet den rojen van De Vrught weer hen,
ze zegt dat hi'j communist is ofzo, of dat hi'j goeie
connecties hef in Oss, Doesburg en Boxmeer
Doar geet den rojen van De Vrught weer hen,
zie um jagen in zien kleine roje bestelbus
zie um jagen, tis un waore revolutionair

:oops: is het zo erg :mrgreen:

[JC Djurovski]

Bravo...
bis, bis...


Kump t'r nog meer?

[Graf von L.]

Gans autarkisch


Now hef hi´j zich veurgenomm´n
helemoal zelfveurzienend te word´n
autarkisch nuumt de geleerd´n dat met een moeiluk woord
Ut is better veur het miljeu, maor nog
volle better veur de pottemonnee.
Hi´j hef zich bedach ut hele huus met zonnepaneel´n
te behang´n
Moar dan niet deur Jansen Revenhorst uut de Kainborg,
hi´j is eiges handig zat.
De tekott´n zal hi´j opvull´n met eerdwarmte,
een piepe met un afmetting van Waarlo tot Durkum zal hi´j de grond injass´n,
loat dan maor komm´n den ni´je iestied.
Vanaf zien vieftigste zal ut gebeur´n
An um zolt ze gin cent meer verdien´n, de Shell,
de Nuon en de andere hoge heer´n
Den praksisman redt zichzelf.

[Graf von L.]

De vruwkes


Eerluk is eerluk, hi´j was vrogger un knappe keal
Ow graf kan zich ok niet heug´n dat de scheids vrogger
ok al zo arbeiderslinks was, want ging´n ze in vrogger joar´n
wel us samen stapp´n -ut gingvaak eerst noar Hengel hen
dan noar de Barak in Durkum- dan was de scheids altied gekleed
as un waver, as un waore linksliberale kosmopoliet: Chris Isaackuif, gries colbertjen en postmoderne puntschoene
En zag ze dan kiek´n de vruwkes in de danszaal´n...Zol hi´j mien zien stoan?
Hautain liet hi´j echter de vrowluu stoan. Hi´j dronk un biertje, en grijnsde de heel´n oavund an de rand van de dansvloer
Kiek doar hebbe wi´j de kwatjeszuker ok weer! lachte hi´j richting Graf. O joa.

[Mbongo]

haha, schitterend, graf! Zocht men niet een dichter der Achterhoek? Wij hebben een dichter des undergrounds! Ha, en we zijn trots op hem!

[Graf von L.]

Een variant die vanavond op facebook opdook:

Den van de Vrught den rooien, den zut ut lieverder vriezen dan dooien

[Graf von L.]

Now is hi'j een joar af wat gelejen ok wat an ut klungel'n ekomm'n
Zien knie zat wreed op slot, het wol gin kante meer op,
de sli'jtage had toeslag'n,
hi'j zat in zak en as, dat wi'j geleuv'n.
Dus mos hi'j noar ut Ziekenhuus hen veur een grote beurt
Dun dokter hef um wat ollie an ut knietjen gesmeerd
en now luppe weer as un kiefte
Nergens gin las heffe meer van
Met de trekker dampt hi'j oaver de kamp
Met de knetterbiel zaagt hi'j alles kot
De scheids kan weer joaren vot.




Hehehehe, onietah?

[Graf von L.]

Eigunluk gif hi'j niks um voetbal,
nooit gedoan ok,
dat domme gehol achter zo'n bal...
Toch is hi'j joarenlang metewes noar de smurfen
Tussen de Ziener en dun Olden Doesburger zat hi'j dan
Ut spel was niet um an te zien
toch vermaakte hi'j zich er wel:
un betje lull'n oaver ut bestuur
un sjekkie tussen de vingers
en af en toe us wat reren...
Een gezelligheidssupporter, zo ko'j um num'n
Moar doar hef hi'j ut now helemaol met ehad
Op de Smurfenberg ziet ze um nooit weer
Hi'j stort zich liever op ut weer.

[de scheids]

zoveel moois
en ik moet nog 50 worden

[Graf von L.]

Popmuziek, popmuziek, heur i'j um dan mompel'n,
Ut is niet dak doar now zo van uut mien dak goa.
Ja, Van Buizen Beernd wel, moar dat kump umdat den uut Hummel kump en doar kump alleen moar goeds vandan!
En o ja van Iggy Pop met dat wulpse wief op dat hobbelpeerd...
Moar eigunluk is dur moar een die de scheids antoesias kan krieg'n
Dat is den Dikk'n Frank uut Boston
as den zien gitaar oppakt en zien bek lostrekt
dan schreeuw'n scheids en zoon volop met.
Dan dreejt ze ut raam van ut roje busjen los
dan waar ow moar, wie niet an de kante springt is de klos!

Dikke Frank

[Graf von L.]

Un hekkel an



As i'j um op de man af zoll'n vroag'n: waor hi'j now een hekkel an...?
Dan hoev'n hi'j doar vrogger niet lang te denk'n, dan had hi'j gezeg:
an van die pennenlikkende amtenaar'n op ut gemeentehuus.
Moar dat zol hi'j tegesworigs niet meer zo had wll'n zegg'n..
Nee, as i'j um disse vroage now veur zoll'n legg'n
zol hi'j zegg'n: woar'k un gotsgruwelukkele hekkel an heb,
dat meug i'j bes wett'n, woar'k van oaver mien nek goa,
woar i'j mien beslis niet met an mot komm'n
is zo'n dampende hamburger met een portie frieteball'n van Mekdrek.
Alleen al ak dur an denk, alleen al ak dur an denk!